.. بِسْم الله الرحمن الرحيم ..
السلام عليكم ورحمة الله و بركاته …
أسعد الله أوقاتكم بكل خير
و أسعد الله أوقات صديقتنا العزيزة أروى
و الحمدلله على سلامة وصولك السعودية
اتمنى لكِ طيب الحياة في كل مكان ✨
………………..
نبدأ في موضوعنا الخفيف و البسيط
و أجواءنا الشتوية السعيدة
تلاحظون ليالي الشتاء طوييييله و مملة
مالم تستغلينها بشي مفيد و حلو ..
<<من هذا الملل جاتني فكرة أني أسوي لي ركن دافىء اجلس فيه
و اضبط لي جو
تحمست أتقنه بشكل ممتاز بس هذا اللي قدرت عليه
في البدايه الفكرة عبارة عن خيمة في البيت 🤔
<<حب أزلي للخيام في كل مكان و زمان
عندي ستاير قديمة صار لها فترة ما استخدمتها
و جبت علاقات ملابس صنعت بها حلقه
ممكن تستخدمون الحلقة الكبيرة اللي في محلات الرياضة
و لفيت عليها لصق كامل بحيث تعطي شكل انعم بس الصورة
مو متوفرة …
دخلت الحلقة في فتحات الستارة ….
نجي للتعليق ممكن تخرمين في السقف مسمار
و نازل منه خطّاف بحيث انك تعلقين الخيمة فيه
او اذا مو حابه تخرمين حطي المعاليق اللي تجي فيها
لصق قوي جداً …
و لصقيها بالسقف
استخدمت هالطريقة لان المكان مؤقت و أشيل عفشي 🤓
و أضفت الإضاءة
عاد الإضاءات هي اللي تضبط كل شي
و إكتملت الجلسـة
خذي كتابك او اَي شي تتسلين فيه و إنعزلي
او تقهوي ☕️
و عندي من قبل اضاءة LED بالمتر من محلات الانارة
جتني فكرة احطها تحت الجلسة
و مارسي هواياتك في هالمكان الجميل
……………
إنتهى ✨✨
أتمنى تعجبكم التدوينة
و دمتم في أحسن حال ….
صديقتكم منال ….
…………………….
Instagram:
mno0ol_diy
snapchat :
mno0ol_sa
…………………….
from مدونة أروى http://arwa.cc/5319
