أواني لامعة بخطوات سهلة💖

السلام عليكم ورحمة الله و بركاته

اهلا بأصدقاء المدونة

كثير منا يصادف بايامهم الجميلة انه الاواني تنحرق من الطبخ، بالنسبة لي الحليب اكثر شي ينحرق، احيانا الرز، و اليوم قدر الضغط من ورق العنب

المهم وجدت طريقة رهيبة و فعالة و سههلة جدًا حبيت أشارككم اياها:

اول شي نظرة خاطفة على فظاعة الكارثة: ( القدر المحروق)

لو بالطريقة التقليدية استخدم اسفنجة و سلكة و سكين و اقعد احك فيها جهد و تعب و وقت بدون نتيجة مرضية

المهم وجدت طريقة رائعة ، اول شي أضيف مقدار نصف كاس من مسحوق غسيل الملابس ( استخدمت ايريال) و احطها بالقدر مع ماء و نحطها على النار الى ما تغلي الموية ( لآزم توخي الحذر لان المسحوق مجرد ما يغلي بيفور.. و اغلب المنظفات تكون قابلة للاشتعال، لازم تنتبهون له لا تروحون و تتركونه يغلي براحته !)

* قبل ما احطه على النار أحاول انظفه بالفرشاة الخاصة بالمواعين..

بعد ما يغلي ارجع أنظفه بالفرشاة و هو حااار بحيث استفيد من ان الاوساخ صارت لينة نوعًا ما.. التنظيف سهل جدًا ما ياخذ مجهود..

بعدها أكب الموية و بتنزل كل الاوساخ و ممكن يبقى شوي انظفه بالاسفنجة العادية و بسرعة تروح

وهذي كانت النتيجة الخارقة:

تلللمع ما شاء الله

ممكن بنفس الطريقة نجيب قدر و نحط فيه مسحوق الغسيل و الماء و نضع فيها أواني فيها أوساخ عنيدة، و مجرد ما تغلي تكون تلمع

الزجاج مو متاكدة منه، لو احد جربه وما انكسر أتمنى يكتب تجربته بالتعليقات

و بس أتمنى تكون تدوينة بسيطة و لطيفة و مفيدة

و ان شاء الله مو اخر تدوينة

أستودعكم الله، مع السلامة

from مدونة أروى http://arwa.cc/11004