زاوية دراسية مودرن

بسم الله الرحمن الرحيم

السلام عليكم 

أحب أعرف بنفسي .. إسمي إصلاح  .. مهتمة بالأعمال اليدوية وخاصة ( الخشب والحديد )..

هذا موضوعي الأول ،، وإن شاء الله حشرح لكم فيه كيف صممت زاوية دراسة بشكل مودرن

الشكل قبل :

التصميم اللي سويته بسيط ومودرن.. قبل تنفيذ أي عمل آخذ القياسات المضبوطه قبل ماأبدأ أرسم..

الزاوية اللي اخترتها ضيقة نوعاً ما فالمكتب كان لازم يكون صغير ،، القياسات كالتالي

عرض المكتب + الرفوف 120 سم

ارتفاع المكتب 70 سم

عمق المكتب 40 سم

عمق الرفوف 20 سم

شكل تقريبي للرسم :

حامل الرفوف :

بالنسبة للحديد المستخدم في أنوع كثيرة ممكن اختيارها ،، إما المربع الخام أو المربع المجوف أو المستطيل أو الدائري وكلهم بأحجام مختلفه .. عريض، سميك، ثقيل من ناحية الوزن

للمكتب والرفوف اخترت مسطح المستطيل FLAT BAR

في تصاميم الحديد أتعامل مع ورشة حدادة لأن ماعندي الأجهزة المطلوبة للقص والثني والتلحيم، أجهزة الحديد أغلى نوعاً ما عن أجهزة الخشب، ويخوف شوية بصراحة 

بعد ما وصلت قاعدة المكتب وحامل الرفوف استخدمت بخاخ أسود مطفي ( بما أنه لوني المفضل ) 

بعد البخ ،، ويترك يجف تقريباً أخذ ساعتين

الخشب سهل القص ممكن تستخدموا منشار يدوي أو كهربائي ،، نفس النتيجة بس اليدوي يحتاج كرف شوية 

أو بكل بساطة النجار يقصة بالمقاسات المطلوبة  النوع اللي استخدمته هنا whitewood غير معالج

ثبّت قطعة الخشب بقاعدة المكتب بمسامير من الجهة السفلية عشان ماتبين،، أما الرفوف ماتحتاج تثبيت لأن مقاسها مضبوط بس للإحتياط ممكن نحط قوريلا قلو أو no more nails

الشكل النهائي :

أذا حابين تشوفوا أعمالي السابقة ،، تقدروا تزوروا موقع أعمالي .. يدوي .. أو عالـ إنستقرام 

أو على السناب شات

و شكراً ..

مع السلامة 

 

 

سؤال آخير.. كيف البرد عندكم؟ 

from مدونة أروى http://arwa.cc/9769