مكتب لطيف بأقل تكلفة باستخدام إعادة التدوير
السلام عليكم ورحمة الله وبركاته
اسعد الله اوقاتكم بكل خير .. معكم مها من كوكب زُمرده
.
.
.
بستعرض في هالتدوينه مكتبي المتواضع اللي اعتمدت في تنسيقه على اعادة التدوير واستغلال الاشياء الموجوده حولي
لاني مغتربه لفتره بسيطه فماكنت ابغى اتكلف فيه وانا ماراح اقدر انقله معي
السبب الثاني اني ملوله وممكن بأي لحظه اقرر اغيره
وكان مثل التحدي لنفسي انه يكون مكتب جميل وفيه كل اللي احتاجه وبتكلفه بسيطه جداً .. والأجمل انها اشياء من صنع يدي لاني اقدر الاعمال اليدويه وإعادة التدوير
.
.
اول شي جمعت كل الاشياء بالبيت اللي ممكن يعاد يتدويرها
واخترت ثيم المكتب ابيض وذهبي ‘ وكنت حابه ادخل رخام لكن خفت يصير زحمه 
.
.
.
جمعت كراتين من النوع الجيد بأحجام مختلفه و
غلفتهم بورق تغليف هدايا مقوى باللون الذهبي والابيض المنقط ..
.
.
.
وهنا استخدمت علب المعلبات ‘المعدنيه’ ورشيتها بطبقتين باللون الذهبي
ثم وضعتهم على قاعده رخاميه كنت استخدمها للتقديم
.
.
وهنا حامل الشريط اللاصق قبل ..ايضا صبغته باللون الذهبي
.
.
ترررآآآآ هذي الكراتين بعد التغليف رتبت فيهم الكتب والدفاتر الأوراق ..إلخ
وقسمت الأقلام والفرش في العلب المعدنيه
وهنا شكل حامل الشريط اللاصق بعد الصبغ صار مناسب للثيم
.
.
.
هنا ثبتت لوحة لتعليق المهام او الصور اشتريتها جاهزه لاني لقيت سعرها رخيص لكن كنت ناويه اسويها بنفسي لان طريقة صنعها سهله جداً
نحتاج إيطار مفرغ من داخل .. يتثبت فيه خيوط متوازيه بالعرض .. وبس تتعلق فيه الصور او أي شي
.
هنا صوره أوضح للفكره
.
.
علقت لمبات الزينه على الشباك وعلى اللوحه .. سوت جو حلو للمكتب
.
.
وهنا بعد الترتيب واضافة اكسسوارات بسيطه .. صار عندي مكان مرتب امارس فيه هواياتي او اذاكر .. بدون تكلفه تذكر
وتذكرت بعد .. هذا الكاس اللي فيه النبته كانت زجاجة نوتيلا نظفتها واعدت استخدامها
.
.
أتمنى ان تدوينتي البسيطه اعجبتكم .. وشكراً اروى على اتاحة هالفرصه
.
.
حسابي في السناب تشات :
والانستجرام: meem91
from مدونة أروى http://arwa.cc/8132
