طريقة عمل الغرانولا اللذيذة
السلام عليكم ورحمة الله وبركاته
اهلااا بالجميلة اروى و متابعينها …
اكثر شيء ينطلب مني دائما هو طريقة عمل الغرانولا
هي سهلة جدا ولذيييذه
وراح اشاركم طريقتها بالتفصيل …
المكونات
غرانولا او شوفان – بذور شيا – حليب طازج – زبادي يوناني او عادي – عسل او مربى – فواكه او مكسرات اختياريه حسب الرغبة
اول شيء بوريكم نوع الغرانولا اللي استخدمه ونوع الشوفان
الغرانولا و الشوفان فيه عدة انواع اختاروا اللي يناسبكم متوفر بالسوبرماركت انواع كثيرة بالتوت والفراوله و تفاح وتين و متوفر انواع شوفان و موسلي يعني مو علي شرط اللي نزلتها وتلقوها ببنده الدانوب التميمي كارفور بقسم الاغذية الصحية او الرجيم او بقسم الكورن فليكس
احط شوفان و بعده احط رشه بذور شيا
متوفر منه عدة انواع بالسوبر ماركت ايضا
بعدها اصب شوي حليب عليه مو تكثرون و الهدف من الحركه هذي انه الشوفان يتشرب الحليب و الشيا و كذا ماتحتاج طبخ
بعدين احط فوقه غرانولا شوكلت او اي نوع تحبونه و ممكن تكتفوا فقط بالشوفان لوحده او غرانولا لوحده و ممكن تخلطون كذا نوع سوا زي كذا
عني احب اني اخلط من كل شيء
بعدها احط زبادي و تقدروا تستخدموا يوناني او عادي
و بعدها حطوا عسل او مربى حسب ذوقكم
تقدروا تحطوا المربى مباشره بعد الغرانولا او تحتها يعني تقدروا تغيروا بالترتيب بس الترتيب المثالي للي بالعسل زي ماذكرته سابقا و الترتيب المثالي للي بالمربى يكون ( مربى – زبادي – غرانولا ) بس هنا انا حطيت ( شوفان واسقيته حليب – مربى – زبادي )
واخر شيء تحطوا الفواكه اللي تحبونها او مكسرات و ممكن بدون شيء حسب رغبتكم
ممكن تحطون توت مانجو خوخ كيوي اناناس وممكن تحطون مكس فواكه
وبالاخير اغطيه وادخله الثلاجه اقل شيء ست ساعات
ملاحظات/
١/سويها من الليل حتى تفطري عليها الصباح
٢/الفواكه لا تحطينها مباشره على الغرانولا الا لو بتاكليها الصباح حتى ماتفسد و تقدري تجهزي الفواكه مقطعه بعلبه ثانيه لوحدها و تحطيها قبل الاكل
٣/الغرانولا تصلح للرضع من عمر سنه بشرط الابتعاد عن الانواع القاسية اللي تتضمن مكسرات ويفضل الاكتفاء بالشوفان بدون اي اضافات
وبس خلصنا كذا
تفضلوا حسابي بالانستقرام و السناب
from مدونة أروى http://arwa.cc/4581